രാജ്യത്തെ പരമോന്നത നീതി ന്യായ കോടതി
തെരുവ് നായ്ക്കളുടെ നിയന്ത്രണവുമായി ബന്ധപ്പെട്ടും, അവയെ അനാവശ്യമായി ന്യായീകരിക്കുന്നവർക്കെതിരെയും ഹർജി പരിഗണിക്കവേ വളരെ വ്യക്തവും ശക്തവുമായ പരാമർശമാണ് നടത്തിയത്.
എന്നാൽ, അത്രയും നിർണായകമായ പരാമർശം വന്നിട്ടും ഭരണാധികാരികളും, ജനപ്രതിനിധികളും, ബന്ധപ്പെട്ട ഉദ്യോഗസ്ഥരും ഇന്നുവരെ വ്യക്തമായ നിലപാട് സ്വീകരിക്കാതെയും, ആവശ്യമായ നിയമ നടപടികൾ കൈക്കൊള്ളാതെയും തുടരുകയാണ്.
അതിന്റെ ഭീകര ഫലമായി, തെരുവ് നായ ആക്രമണങ്ങൾ ദിനംപ്രതി വർദ്ധിച്ചുവരുകയും പൊതുജനങ്ങളുടെ ജീവനും സുരക്ഷയും അതീവഗൗരവമുള്ള ഭീഷണിയായി മാറിയിരിക്കുന്നു.
ഈ സാഹചര്യത്തിൽ,കേരളത്തിലെ മനുഷ്യവകാശ പ്രവർത്തകരുടെ കൂട്ടായ്മയായ ഏകോപന സമിതി അംഗങ്ങൾ
ഒത്തുചേർന്ന് ശക്തമായ പ്രതിഷേധ സമരത്തിലേക്ക് കടക്കാൻ നിർബന്ധിതരാകുന്നു .
കൊച്ചുകുട്ടികൾ അടക്കമുള്ള ജനങ്ങളുടെ ജീവനും സുരക്ഷയും സംരക്ഷിക്കേണ്ടത് ഭരണകൂടത്തിന്റെ കടമയും ഉത്തരവാദിത്വവുമാണ് അതിനാൽ, ഭരണാധികാരികൾ അടിയന്തര ഇടപെടലും കാര്യമായ നടപടിയും സ്വീകരിക്കേണ്ടത് അത്യാവശ്യമായിരിക്കുന്നു.
എല്ലാ ഉത്തരവാദിത്തമുള്ള പൗരന്മാരും, മനുഷ്യാവകാശ പ്രവർത്തകരും പൊതുസമൂഹവും
ഈ പ്രതിഷേധത്തിൽ
പങ്കുചേരുവാൻ ഞങ്ങൾ ആഹ്വാനം ചെയ്യുന്നു.
മനുഷ്യ അവകാശ ഏകോപന സമിതിക്ക് വേണ്ടി .
സംസ്ഥാന ചെയർമാൻ :
ജോർജ് വട്ടുകുളം (മലയാള വേദി )
മനുഷ്യവകാശ ഏകോപന സമിതി .
സംസ്ഥാന കൺവീനർ :
ജോൺസൺ പുല്ലുത്തി(HRPM)
മനുഷ്യവകാശ ഏകോപന സമിതി
